Aizawl 12th June, 2024 (Wed): Vawiin June 12, 2024 chawhma dar 11:00 vel khan Aizawl Mosque bul dawrah hnamdang pakhat dawr nghaktu chu pistol-a kah a ni a. A kaptu hi Lalnunsanga (32) s/o Hrangthuama (L), Armed Veng South nia inchhal a ni. Hei hi Pawisa dil, dawr nghaktu in a pek duh loh avanga thilthleng ni a hriat a ni, tiin Dawrpui LC chuan thuchhuah a siam.

"He thil thleng hi Dawrpui Local Council chuan pawi a ti tak zet a, hemi chungchang hi Dawrpui Local Council chuan a ṭul anga hmalak zui  zel a tum a ni. Dawrpui khawtlang hruaitute Joint Committee thuchhuak angin Dawrpui Veng huam chhungah hian mimal emaw eng pawl pawhin Dawrpui Local Council hriatpuina tel lova pawisa khawn hi phal a ni lova, khap tlat a ni tih kan han inhriattir nawn leh a. Lo tilui an awm anih chuan aṭul anga hmalak zel a ni ang tih kan han inhriattir nghal bawk e," tiin hriattirna thuchhuah an siam ah an tarlang.